Kulomdlalo umbhali uhlose kusikhombisa kutsi, nobe tifiso netinhloso tebatali betfu titinhle kangaka ngatsi sibantfwababo, ngalesinye sikhatsi kuye kwenteke kutsi kube nemshikashika lomatima, kube nekucangana kanye nekushayisana lokukhulu kusentiwa lomsebenti wekubacatfulisa kanye nekubakha.

Lomshikashika kanye nalokushayisana lokumatima lokukulomdlalo kutsintsa umtali, umntfwana, tihlobo, bothishela, emaphoyisa kanye nabomakhelwane imbala.

Umbuto utsi ingabe Simo uyawalalela yini lamaphupho lamatima kangaka uyise lawaphuphako. Bothishela –ke bona ingabe beme ngakuphi kulamaphupho lamakhulu kangaka?